14 აგვისტო, 2020 წელი. წალკის მუნიციპალიტეტი –  უკვე მესამე თვეა, რაც ევროკავშირის ENPARD-ის პროგრამის მიერ მხარდაჭერილი წალკის LAG-ის ორგანიზებით, ყოველ პარასკევს წალკის ადგილობრივ მოსახლეობას ეძლევა სხვადასხვა საინტერესო და ინტერაქტიულ შეხვედრებში მონაწილეობის  შესაძლებლობა.

ამჯერად წალკის LAG-მა სოციალური საღამოების ფარგლებში ნარჩენების მართვის სპეციალისტს, ბესიკ კალანდაძეს უმასპინძლა. ტრენერმა მონაწილეებს კომპოსტირების მნიშვნელობაზე და მის დადებით მხარეებზე ესაუბრა და პრაქტიკაში მისი გამოყენების მნიშვნელობაც გააცნო.

შევედრის თეორიული ნაწილი კითხვა-პასუხის რეჟიმში წარიმართა, ხოლო მეორე, პრაქტიკული ნაწილი საკომპოსტე ყუთის დამზადებას დაეთმო. ღონისძიების მონაწილეებმა საკომპოტე ყუთი ერთობლივად, ტრენერის დახმარებით დაამზადეს და წალკის LAG-ის ოფისის ტერიტორიაზე დადგეს.

ხარისხიანი სასუქის მიღების მიზნით, საკომპოსტე ურნაში ორგანული ნარჩენები მოგროვდება და მიღებული სასუქი ოფისის ტერიტორიაზე არსებული ბოსტნის მოსავლიანობის გაზრდისთვის იქნება გამოყენებული.

წალკის მუნიციპალიტეტში, წალკის ადგილობრივი განვითარების ჯგუფის (LAG) ორგანიზებით ყოველკვირეული სოციალური საღამოები ეწყობა ევროკავშირის ENPARD-ის პროგრამის მხარდაჭერით მიმდინარე პროექტის „ეს წალკაა“ ფარგლებში, რომელსაც ახორციელებს CENN პარტნიორ ორგანიზაციებთან ერთად.

პროექტს „ეს წალკაა“ ევროკავშირის ფინანსური მხარდაჭერით ახორციელებს CENN, საქართველოს ფერმერთა ასოციაციასთან (GFA) და სოფლის განვითარების კვლევით ინსტიტუტთან (Ifls) თანამშრომლობით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.

ოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.